ኣብ ኤርትራ ዝርከብ ጉጅለ ባህሊ ኢትዮጵያ ፈላማይ ምድላው ሙዚቅኡ ኣብ ከተማ ከረን ኣቕሪቡ

ብተወሳኺ ካብ ከተማ ከረን ውፅእ ኢልካ ዝርከብ ኣብ እዋን ካልኣይ ኲናት ዓለም ኣሊያንስ ፓወርን ፋሺስት ጣልያንን ዝተዋግኡሉን 23 ሺሕ ወተሃደራት ዝዓረፍሉን ጡቁሉአስ ተባሂሉ ዝፅዋዕ ከባቢ ዑደት ገይሮም።

ብሚኒስትር ዲኤታ ባህልን ቱሪዝምን ፌዴሪኢ ወይዘሮ ብዙነሽ መሰረት ዝምራሕ ልዕሊ 60 ኣባላት ዝሓዘ ጉጅለ ባህሊ ኢትዮጵያ ናብ ኤርትራ ምምርሑ ይዝከር።

እቶም ኣባላት ጉጅለ ልኡኽ፥ ካብ ሚኒስቴር ጉዳያት ወፃኢ፣ ሚኒስቴር ባህልን ቱሪዝምን፣ ብሄራዊ ቲያትር፣ ፍሉጣት ከየንትን ሙዚቀኛታት ጃኖ ባንድን ዝተውፃእፅኡ ዝሓወሱ ኢዮም።

እቲ ጉዕዞ ኣብ መንጎ ኢትዮጵያን ኤርትራን ዝተበፅሐ ስምምዕነት ስዒቡ ርክብ ህዝቢ ምስ ህዝቢ ብዝበለፀ ንምጥንኻር ዝዓለመ ከምዝኾነ ተሓቢሩ።

ስለዝኾነ እቲ ጉጅለ ልኡኽ ኣብ ኤርትራ ንሓደ ሰሙን ዝፀንሕ እንትኸውን፥ ካብ ከተማ ከረን ብተወሳኺ ኣብ ከተማ ኣሰመራን ምፅዋዕን ምድላዋቶም ከምዘቕርቡ ኢዮም ዝብል ትፅቢት ኣሎ።