ኮማንድ ፖስት መኸተ ቫይረስ ኮረና ክልል ትግራይ ተሃነፅቲ ብይቕሬታ ንምፍታሕ ወሲኑ

ሀ. ብመሰረት ኣብ ስራሕ ዘለዉ ሕግታት ዝተቐመጡ ረቛሕታት ይቅርታ ተፈቒዱሉ ብምኽንያት ምምሕዳራዊ ጉዳያት ከይተፈተሐ ዝፀንሐ ተሃናፂ፤

ለ. ኣብ ሕጊ ዝተቐመጡ ረቛሕታት ኣማሊኡ ሰነ 2012 ዓ.ም ብስሩዕ ይቕሬታ ክፍታሕ ዝኽእል ተሃናፂ፤

ሐ. ብለበዳ ሕማም ኮቪድ-19 ብቐሊሉ ክጥቃዕ ዝኽእል ከቢድ ፀገም ጥዕና ዘለዎ፣ ብዕድመ ዝደፍአ፣ ከቢድ ጉድኣት ኣካል ዘለዎ፣ ነብሰፁር ወይ ህፃን ዝሓት ኣደ ኮይኖም ኣብ ስሩዕ መምርሒ ኣወሃህባ ይቕሬታ ተሃነፅቲ ዕርቂ ንዘየድልዮ ገበን ብቐጥታ፣ ዕርቂ ንዘድልዮ ገበን ድማ እንተተዓሪቓ ወይ እንተተዓሪቑ ዝብሉ ከም ዝኾኑ ኣብ ውሳነ ኮማንድ ፖስት መኸተ ቫይረስ ኮረና 005/2012 ተገሊፁ ኣሎ።

ኮማንድ ፖስት መኸተ ቫይረስ ኮረና ካብ ዝወሰኖም ካልኦት ጉዳያት፥ ኣብ ቤት ምኽርን ኣቢያተ ፍርዲን ዝሰርሑ ሰራሕተኛታት ሓዊስካ ኣብ ግልጋሎት ወሃብቲ መንግስታዊ ትካላት ዝሰርሑ ሰራሕተኛታት፣ ቀዳምን ሰንበትን ከምኡ ውን ኣብ በዓላት ኣትዮም ንክሰርሑ ወሲኑ ኣሎ።

ብምዃኑ ድማ ውሳነ ኮማንድ ፖስት መኸተ ኮረና ቫይረስ ቑፅሪ 006/2012 ኣብ ቑፅሪ 3 ከም ዝስዕብ ተቐሚጡ ኣሎ፤ “ኣብዚ ህፁፅ እዋን ኣገዳሲ ግልጋሎት ኣብ ዝህቡ መንግስታዊ ትካላት (ንቤት ምኽርን፣ ኣቢያተ ፍርዲን ሓዊሱ) ዝሰርሑ ሰራሕተኛታት ቀዳምን ሰንበትን ሓዊሱ ኣብ በዓላት እዋን ኣትዮም ንክሰርሑ የግደድ” ይብል።

ፍልፍል፦ ቢሮ ርክብ ህዝብን መንግስትን ክልል ትግራይ

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana