ጃክ ማ ኣብ ሃገራት ኣፍሪካ ቫይረስ ኮረና ንምክልኻል ዝሕግዝ ናውቲታት ሕክምና ደገፍ ክገብር ኢዩ
ኣዲስ ኣበባ፣ 8 መጋቢት፣ 2012 (ኤፍ ቢ ሲ)በዓል ዋናን መስራቲን ኩባኒያ ኣሊ ባባ ጃክ ማ ኣብ ሃገራት ኣፍሪካ ቫይረስ ኮረና ንምክልኻል ንዝግበር ፃዕሪ ዝሕግዝ ናውቲታት ሕክምና ደገፍ ክገብር ኢዩ።
እቲ ደገፍ 54 ሃገራት ኣፍሪካ እቲ ቫይረስ ንምክልኻል ንዝገብርኡ ፃዕሪ ዝሕግዝ ከምዝኾነ ጃክ ማ ኣብ ትዊተር ገፁ ፅሒፉ።
ብመሰረት እዚ እተን ሃገራት ንሕድሕደን 20 ሺሕ መመርመርቲ ናውቲታት፣ 100 ሺሕ መሸፈኒ ገፅ(ማስክ)፣ ሰብ ሞያ ሕክምና ዝኽደኑዎም 1 ሺሕ መከላኸልቲ ንዋታት ከምዝወሃበን ድማ ተገሊፁ።
እቲ ደገፍ ብኢትዮጵያ ኣቢሉ ነተን ሃገራት ክበፅሐን ከምዝግበር ተሓቢሩ።
እዋናውን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana