ቀ/ሚ ዶክተር ኣቢይ ኣብ ደቡብ ሱዳን ሓባራዊ መንግስቲ ምጥያሹ ዝተሰመዖም ሓጎስ ገሊፆም

ብመሰረት እቲ ዝተጣየሸ ሓዱሽ ሓበራዊ መንግስቲ፥ ሳልቫ ኪር ናይቲ ስግግር መንግስቲ ፕሬዚዳንት፤ ሪክ ማቻር ድማ ምክትል ፕሬዚዳንት ክኾኑ ክኢሎም ኢዮም።

ቀዳማይ ሚኒስትር ዶክተር ኣቢይ፥ ደቡብ ሱዳናውያን ስግግር መንግስቲ ንምጥያሽ ብምብቀዖም መልእኽቲ መግለፂ ሓጎስ ኣመሓላሊፎም።

ውፅኢቱ እቲ ድርድር እናመርሐ ንዝነበረ ኢጋድ ልዑል ሓጎስ ዝፈጥር ከምዝኾነ ኣብሪሆም።

ኢትዮጵያ ሎሚ እውን ከም ቀደማ ንህዝቢ ደቡብ ሱዳን ይኹን ነቲ ስግግር መንግስቲ ኣድላዪ ዘበለ ሓገዝ ከምትገብር እውን እቶም ቀዳማይ ሚኒስትር ኣብ መልእኽቶም ኣረጋጊፆም።