ትካላት ትምህርቲ ሃገር ካብ ውድቀት ዝከላኸል ወለዶ ከፍርያ ይግባእ ተባሂሉ

ኣብቲ መድረኽ ዘተ፥ ትካላት ትምህርቲ፣ ዝወፅእ ስርዓተ ትምህርቲ፣ መምህራንን ተምሃሮን ባህሊ ሃገሮም ኣፅፊፎም ዝተረድኡን ዝፈለጡዎ ድማ ብኣግባቡ ንተተካእቲ ወለዶ ዘመሓላልፉን ክኾኑ ይግባእ ተባሂሉ።

ኣብቲ መድረኽ ዝተፈላለዩ ሙሁራት መባእታዊ መፅናዕቲ ፅሑፍ ኣቕሪቦም ዘተ እናተገበረሎም ይርከብ።

ትካላት ትምህርቲን መምህራንን፥ ቤተሰብ ወሊዶም ዘረቡዎም ህፃናት ብምቕራፅ ንሃገር ዝረብሑ ናይ ምግባር ሓላፍነት ከምዘለዎም እቶም ሙሁራት ገሊፆም።

ፍልፍል ሓበሬታን ምርድዳእን ዝኾነ ትምህርቲ፥ ከም ኢትዮጵያ ዝበላ ዓበይቲ ሃገራት ውሽጣዊ ስምዒት ማንነተን ብምጉልባት ኣብ ምኽንያታዊነት ዝተደረኸን ስልጡንን ማሕበረሰብ ናይ ምፍጣር ልኡኽቶ ክህልዎ ከምዝግባእን እውን ኣተሓሳሲቦም።

ስርዓተ ትምህርቲ እታ ሃገር ኣብ ኣእምሮኣዊ ምዕባለ ከድህብ ከምዝግበኦ ኢዮም እቶም ሙሁራት ዝሓበሩ።

ብሶዶ ለማ