ናብ ወፃኢ ዕዳጋ ካብ ዝቐርቡ መዓድናት 500 ሚሊየን ዶላር ንምርካብ ከምዝሃቀነ ሚኒስቴር መዓድን ገሊፁ
ኣዲስ ኣበባ፣ 2 ጥቅምቲ፣ 2016 (ኤፍ ቢ ሲ)ሚኒስቴር መዓድን ኣብ በጀት ዓመት 2016 ዓ.ም ናብ ወፃኢ ዕዳጋ ካብ ዝቐርቡ መዓድናት 500 ሚሊየን ዶላር ሸርፊ ወፃኢ ንምርካብ ከምዝሃቀነ ኣፍሊጡ።
ሚኒስትር ዴኤታ መዓድን ሚሊየን ማቲዎስ÷ እቲ ትልሚ ንምዕዋት ኣብቲ ዓውዲ ምስ ዝተዋፈሩ ኩባንያታት እናተሰርሐ ከምዝርከብ ኣብሪሆም፡፡
ብፍላይ ዓቕሚ ምልማዕ ኩባንያታት ንምድንፋዕ ሓገዝ ከምዝግበር ብምሕባር÷ መዓድናት ኢንዱስትሪ ሓዊሱ ኣብ ወፃኢ ንግዲ ስብጥር መዓድናት ንምውሳኽ ብዕቱብ ከምዝስራሕ ገሊፆም።
ብኻሊእ መዳይ ኣብ ኣለሻን ልምዓትን መዓድን ዝዋፈሩ ዓለም ለኸ ኩባንያታት ቁፅሮም እናዓበየ ከምዝመፅአ እቶም ሚኒስትር ዴኤታ ኣብሪሆም።
ብፍላይ ንዓመታት ኣብ ኣለሻ መዓድን ዝተዋፈሩ ኩባንያታት ኣለሻኦም ዛዚሞም ናብ ምልማዕ እታተሰጋገሩ ከምዝርከቡ ኣመልኪቶም።
ኣብ መዓድናት ኒኬል፣ ኮፐር፣ ታንታለም፣ ሊቲየም፣ ፖታሺየምን ካለኦትን ዝተዋፈሩ ኩባንያታት ኣብ ዝቕፅሉ ዓመታት ኣለሻ ብምዝዛም ናብ ስራሕ ከምዝኣተዉ እውን ምብረሆም ግዜኢ ፀብፂቡ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com