ን106 ላዕለዎት መኮንናት ሓይሊ ኣየር ኢትዮጵያ ሎሚ መዓልቲ ሹመት ተዋሂቡ

ምክትል ኢታማዡር ሹም ሰራዊት ምክልኻል ጄነራል ብርሃኑ ጁላ እውን ኣብቲ ስነ-ስርዓት ተረኺቦም መደረ ኣስሚዖም።

ሰራዊት ምክልኻል ሃገር ንምፍራስ ዝፅዕሩ ብዙሓት ኣካላት ከምዘለዉ ዝሓበሩ ጄነራል ብርሃኑ፥ እቲ ሰራዊት ግን እዚ ኹሉ ክኢሉ ንሰላም ሃገር ትኹረት ሂቡ እናሰርሐ ከምዝርከብ ተዛሪቦም።

ኣብቲ ስነ-ስርዓት፥ ካብ ሽመት ብተወሳኺ ንዝሓለፉ ሽዱሽተ ኣዋርሕ ኣብ ስልጠና ዝፀንሑ ኣባላት ወታደራዊ ፖሊስ እቲ ሓይሊ ኣየር እውን ተመሪቖም ኢዮም።

ኣብ ኣፈፃፅማ ስራሕ ዝሓለፉ ሽዱሽተ ኣዋርሕ ብልጫ ዝነበሮም ሰራሕተኛታት እውን ኣፍልጦ ተዋሂቡዎም ክብል ኢቢሲ ፀብፂቡ።