ኣብ ከተማ ኣዲስ ኣበባ ዝህነፅ ፍሉይ ዞባ ኢኮኖሚ ዲዛይን ህንፀት ዕላዊ ኮይኑ
ኣዲስ ኣበባ ፣ 15 ነሓሰ፣ 2015 (ኤፍ ቢ ሲ)ምምሕዳር ከተማ ኣዲስ ኣበባ ምስ ኤፍ ኤች ኢ ሲ ኩባንያ ቻይና ብምትሕብባር ዘህንፆ ፍሉይ ዞባ ኢኮኖሚ ዲዛይን ህንፀት ዕለዊ ተገይሩ።
እቲ ምምሕዳር ከተማ÷ ነቲ ፕሮጀክት ዝኸውን መሬት ብእዋናዊ ዋጋ ሊዝ ኣስሊሑ ከምዘቕረበ ካብ ቤት ፅሕፈት ከንቲባ ዝረኸብናዮ ሓበሬታ የረድእ፡፡
ኤፍ ኤች ኢ ሲ ኩባንያ ቻይና ደማ ግዚኡ ዝጠልቦ ቴክኖሎጂ፣ ፋይናንስን እታወትን ብምቕራብ ህንፀት ከምዝሳለጥ ተገሊፁ፡፡
ኣብ ከባቢ ጎተራ ዝህነፅ እቲ ፍሉይ ዞባ ኢኮኖሚ ዘበን ዘፍረዮም ቴክኖሎጂታት ብምጥቃም ዝህነፅ ኢዩ ተባሂሉ፡፡
ኣብ ውሽጡ ድማ ዓለም ለኻዊ ዞባ ንግዲን ኢኮኖሚን፣ ዞባ ትምህርቲን ባህሊን፣ ዞባ ፋይናንስን ቢዝነስን ከምኡ እውን ዞባ ዘበናዊ መንበሪ ኣባይቲ ከምዘካትት ተሓቢሩ፡፡
እቲ ፕሮጀክት÷ ናብታ ከተማ ዝመፅኡ ቁፅሪ ዜጋታት ወፃኢ ሃገር ብምውሳኽ ዓለም ለኻዊ ግደኣ ከምዘድንፍዕ ተኣሚኑሉ ኣሎ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com