ፕሬዚዳንት ሳህለወርቅ ምስ ቀዳማይ ሚስትር ካናዳ ተዛትየን

ኣብ ጉዳይ ደቂ ኣንስትዮ ኢትዮጵያ ዝስርሑ ዘለዉ ስራሕቲን ደቂ ኣንስትዮ ንምብቃዕ እናተሰርሑ ዝርከቡ ተግባራትን፥ መንግስቲ ካናዳ ሓገዝ ከምዝገብር እቶም ቀዳማይ ሚኒስትር ገሊፆም።

ኣብ ምዕባይ ግደ ደቂ ኣንስትዮን መናእሰይን እናተሰርሑ ዝርከቡ ስራሕቲ ብዝምልከትን ብሓባር ክሰርሑዎም ብዛዕባ ዝግቡኡ ተግባራትን፥ ኣካል ናይቲ ዝተገበረ ዘተ ከምዝነበረ ተገሊፁ።

ኣብ ምጥንኻር ክልተኣዊ ርክብ ኢትዮጵያን ካናዳን ኣድሂቦም ከምዝተዛተዩ እውን ተሓቢሩ።

ክልቲአን ሃገራት ድሕሪ ሕዚ ተሓባቢረን ንምስራሕ ዘኽእሉወን ኣሰራርሓታት ከምዝዝርግሑ ድማ ኣብ እዋን እቲ ዘተ ተላዒሉ።

ኢትዮጵያን ካናዳን ነዊሕ ዓመታት ዘቑፀረ ኩለመዳያዊ ርክብ ከምዘለወንን ብሓባር እናሰርሓ ከምዝፀንሓን ተገሊፁ።