200 ሰባት ኣሳፊራ እናተጓዓዘት ዝነበረት ጀልባ ኣብ ደሴታት ካናሪ ከምዝጠሓለት ተሓቢሩ
ኣዲስ ኣበባ፣ 3 ሓምለ፣ 2015 (ኤፍ ቢ ሲ)200 ሰባት ኣሳፊራ ናብ ስፔን እናተጓዓዘት ዝነበረት ጀልባ ኣብ ደሴታት ካናሪ ከምዝጠሓለት ሰራሕተኛታት መድሕን ህይወት ስፔን ኣፍሊጦም።
ካብ ደቡባዊ ሴኔጋል ተላዒለ ናብ ደሴት ካናሪ እናምረሐት ከምዝነበረት ዝተሓረላ መግፈፊት ዓሳ ጃልባ÷ ህፃናት ሓዊሱ 200 ስደተኛታት ኣሳፊራ ከምዝነበረት ቢቢሲ ፀብፂቡ።
ክሳብ ሕዚ ኣሰራ ከምዘይተረኸበን ኣለሻ ከምዝቐፀለን እውን እቶም ሰራሕተኛታት መድሕን ህይወት ገሊፆም።
እታ ጃልባ÷ ካብ ቴኔሪፌ ስፔን 1 ሺሕን 700 ኪሎ ሜትሮ ርሒቓ ካብ ትርከብን ካፎንቴን ዝተብሃለትን ከከተማ ጠረፍ ባሕሪ ሴኔጋልን ከምዝተልዓለት እቲ ፀብፃብ ኣመልኪቱ።
ንኣለሻ እታ ጀልባ ኣብ ዝግበር ምንቅስቓስ ካብ ሰራሕተኛታት ብተወሳኺ ብኣውሮፕላን ዝተሓገዘ ኣለሻ እናተገበረ ምዃኑ ሓይሊ ባሕሪ ስፔን ኣፍሊጡ፡፡
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com