መዓልቲ ኣገልጋላይነት ኣብ ኣዲስ ኣበባ ብዝተፈላለዩ መርሃ ግብሪታት ይኽበር ኣሎ
ኣዲስ ኣበባ፣ 1 ጳጉሜን፣ 2015 (ኤፍ ቢ ሲ)1 ጳጉሜን መዓልቲ ኣገልጋላይነት ኣብ ኣዲስ ኣበባ ብዝተፈላለዩ መርሃ ግብሪታት ይኽበር ኣሎ።
እቲ መዓልቲ ምኽንያት ብምግባር ከንቲባ ኣዳነች ኣቤቤ ሓዊሱ ሚኒስትር ትራንስፖርትን ሎጂስቲክስን ኣለሙ ስሜ (ዶ/ር)ን ሚኒስትር ሓላፊ ጉዳያት ካቢኔ ቤት ፅሕፈት ቀዳማይ ሚኒስትር ኣለምፀሃይ ጳውሎስን ብሓባር ብምዃን ኣሽከርከርቲ ሃገር ኣቋራፂ ኣውቶቢስን ኣብቲ ዓውዲ ዝተዋፈሩ ኣካላትን ንግልጋሎቶም ኣመስጊኖም።
ኣብቲ መድረኽ መደረ ዘስመዓ ከንቲባ ኣዳነች ኣቤቤ፥ ኣብ ዓውዲ ትራንስፖርት ዘለዉ ኣካላት ስለ ግልጋሎቶም ምስጋና ይግበኦም ኢለን።
ሓደጋ ትራፊክ ንምንካይ ኣሽከርከርቲ ብጥንቃቐ ብምሽክርካር ንወገኖም ከገልግሉ እውን ሓደራ ኢለን።
መዓልቲ ኣገልጋላይነት ምኽንያት ብምግባር ኣብ ከተማ ኣዲስ ኣበባ ናፃ ግልጋሎት ትራንስፖርት ክወሃብ ኢዩ ተባሂሉ።
እዋናዊ ሓበሬታ ንምርካብ፦
ቴሌግራም ገፅናhttps://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube.com/…
ሓዱሽ መተግበሪ ፋና ብሮድካስቲንግ ኮርፖሬት https://play.google.com