መገዲ ኣየር ኢትዮጵያ ኣብ ኣቪየሽን ሾው 2020 ኩዌት ይካፈል ኣሎ

ኣብ ዓለም ለኸ መዕርፎ ነፈርቲ ኩዌት እናተሳለጠ ዝርከብ እቲ ሾው፥ 37 ሃገራት፣ 200 ትካላትን ልዕሊ 70 ዝኾና ኣውሮፕላናት ንግዲን ጦርን ምርኢት ኣርካይደን።

መንገዲ ኣየር ኢትዮጵያ እውን ምስቲ ኤምባሲ ብምትሕብባር ባህሊ፣ መስሕባት ቱሪዝም፣ ኣማራፂታት ንግዲን ኢንቨስትመንትን፣ ባህላዊ ክዳውንቲን ቅርፃቕርፂታትን ከምኡ እውን ባህላዊ ስነ-ስርዓት ኣፈላልሓ ቡንን ብምቕራብ ንተሳተፍቲ ኣፋሊጡ ኢዩ።

ኣብቲ ኣቪየሽን ሾው፥ ዓለም ለኸ መገዲታት ኣየር ሓዊሱ ኤምባሲታት ዝተፈላለያ ሃገራትን ኣምባሳደራትን፣ ኣባላት ማሕበረሰብ ዲፕሎማን፣ ሰብ ሃፍቲ፣ መንግስታዊን ዘይመንግስታዊን ትካላት ተሳተፍቲ ከምዝኾኑ ካብ ቤት ፅሕፈት ኣቐባሊ ቓል ሚኒስቴር ጉዳያት ወፃኢ ዝረኸብናዮ ሓበሬታ የረድእ።