ምክትል ቀዳማይ ሚኒሰትር ኣይተ ደመቀ ምስ ሚኒስትር ጉዳያት ወፃኢ ስዊዘርላንድ ተዛቲዮም

ብተወሳኺ እተን ሃገራት ኣብ ዝተፈላለዩ ዓውዲታት ዘለውወን ማዕቐፋት ምትሕብባር ትኹረት ብምግባር ንምስራሕ ዘኽእል ልዝብ ከምዝገበሩ ካብ ቤት ፅሕፈት ምክትል ቀዳማይ ሚኒስትር ዝረኸብናዮ ሓበሬታ የረድእ።

እቲ ዘተ ጎድኒ ንጎድኒ ኣብ ስዊዘርላንድ፣ ጄኒቫ ይሳለጥ ዘሎ ዓለም ለኻዊ ፎረም ስደተኛታት ዝተኻየደ ኢዩ ተባሂሉ።

ኣይተ ደመቀ ዝመርሕዎ ጉጅለ ልኡኽ መነግስቲ ኢትዮጵያ፥ ኣብ ዓለም ለኻዊ ፎረም ስደተኛታት ንምስታፍ ብቕድሚ ትማሊ ናብ ስዊዘርላንድ ምምርሑ ይዝከር።

ጎድኒ ንጎድኒ እቲ ፎረም ምስ ዳይሬክተር ትካል ጥዕና ዓለም ዶክተር ቴድሮስ ኣድሓኖም ተዛቲዮም ኢዮም።