ኣብ ሓዱሽ ስርዓት ትምህርቲ ተምሃሮ 12 ክፍሊ እንትውድኡ ሰብ ሞያታት ክኾኑ ኢዮም – ሚኒስቴር ትምህርቲ

እቶም ሚኒስትር እዚ ዝበሉ፥ ሓፈሻዊ ዓውዲ ትምህርቲ ትልሚ 10 ዓመት ሚኒስቴር ትምህርቲ ኣድሂቡ ኣብ ዝተኻየደ ኣኼባ ኢዩ።

ሓፈሻዊ ትምህርቲ ሓደ ዘፈር ትምህርቲ ሞያ ንኽኸውን ብዕቱብ ይስራሕ ከምዘሎ ኣብቲ ዘተ ተሓቢሩ።

ኣብ ትምህርቲ ካልኣይ ብርኪ ሞያ ዘለዎ ተምሃራይ ንምፍጣር ናይ ሞያ ትምህርቲ ምስ ስሩዕ ትምህርቲ ብምጥዕዓም ጎድና ጎድኒ ከምዝወሃብ እቶም ሚኒስትር ኣብሪሆም።

ስለዝኾነ ድማ ተምሃሮ ካልኣይ ብርኪ ትምህርቶም እንትዛዝሙ ሰብ ሞያ ኮይኖም ክወፅኡ ኢዮም ተባሂሉ።

ምሃብ ትምህሪቲ በፃሓትን ዘይስሩዕን ኣብ ቀፃሊ ተጠናኺሮም ከምዝቕፅሉ ዝተገለፀ እንትኸውን፥ እዚ ንምፍፃም ዘኽእል ዘፈር እውን ተጣይሹ ኢዩ።

ፍልጠት ክሳብ ታሕቲ ንኽወርድ ብምግባር ንኹሉ ተበፃሒ ምግባር ሓደ ኣካል ትልሚ 10 ዓመት ከምዝኾነ ኣብቲ እዋን ዘተ ምግላፁ ካብ ሚኒስቴር ዝረኸብናዮ ሓበሬታ የረድእ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana