ቀ/ሚ ኣቢይ ብምኽንያት ኮቪድ-19 ህይወቶም ዝሓለፉ ኢትዮጵያውያን ዝተሰመዖም ሓዘን ገሊፆም

እቲ ዜና ዝሰምዑ ኩሎም ንኸረጋግዑን ዝወፅኡ መምርሒታት ብዕቱብ ንኽፍፅሙን እውን ኣተሓሳሲቦም።

እቶም ቀዳማይ ሚኒስትር ኣብ መልእኽቶም፥ “ኣካላዊ ርሕቐጥኩም ሓልዉ፣ ኣእዳውኩም ብግቡእ ተሓፀቡ፣ ብዝተኽኣልኩም መገዲ ኩሉ ንኻልኦት ሓገዝ ግበሩ” ብምባል ፃውዒት ኣቕሪቦም።

ኩሉ ሰብ መንግስቲን ሚኒስቴር ጥዕናን ዘውፀኡዎም መምርሒታት ክትግብር ከምዝግባእ እውን ኣተሓሳሲቦም።

ትማሊ ዕለት 27 መጋቢት 2012 ዓ.ም ኣብ ኢትዮጵያ ንፈለማ እዋን ብምኽንያት ቫይረስ ኮሮና ህይወት ክልተ ሰባት ዝሓለፈ እንትኸውን፥ በዝሒ በቲ ቫይረስ ዝተለኸፉ ሰባት ድማ ናብ 43 ክብ ክብል ክኢሉ ኢዩ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana