ንስደተኛታት ዝወሃብ ሓገዝ ኣብ ምፍጣር ማሕበራዊን ቁጠባዊን ዓቕሚ ስደተኛታት ዝረአ ለውጢ ዘምፅእ ክኸውን ይግባእ – ኣይተ ደመቀ

ኢትዮጵያ ንስደተኛታት እትገብሮ ሓገዝ ብመሰረት ዓለም ለኸ ማዕቐፍ ስምምዕመነት ተጠናኺሩ ከምዝቕፅል እውን ገሊፆም።

ኢትዮጵያ ኣብ መሰረታዊ ግልጋሎትን ሓለዋ ማሕበራዊ ድሕንነትን፣ ኣብ ህንፀት ዓቕሚ፣ ኣብ ስልጠናን ኢኮኖሚያዊ ምትእስሳርን ዙርያ ብተግባር ዝቑፀሩ ሓገዛት ንምግባር ድልውቲ ከምዝኾነት ዕላዊ ምግባሮም ካብ ቤት ፅሕፈት ምክትል ቀዳማይ ሚኒስትር ዝረኸብናዮ ሓበሬታ የረድእ።

ብመሰረት እዚ ድማ 90 ሺሕ ንዝኾኑ ኢትዮጵያውያንን ስደተኛታትን ቁጠባዊ ተረባሕነት ንምፍጣር ከምኡ እውን ን20 ሺሕ ስደተኛታትን ኢትዮጵያውያንን ፅሬት ዘለዎ ናይ ክእለት ስልጠና ንመሃብ መደብ ከምዝተትሓዘ ኢዮም እቶም ምክትል ቀዳማይ ሚኒስትር ዝሓበሩ።

መንግስቲ፥ ኣብ ምጥንኻር ዓቕሚ ምትእንጋድ ስደተኛታት ብፍላይ ድማ ኣብ ሓለዋ ማሕበራዊ ድሕንነት ብዕቱብ ከምዝሰርሕ እውን ኣይተ ደመቀ ገሊፆም።