ኣብ ትግራ ተወሰኽቲ 192 ሰባት ቫይረስ ኮሮና ተረኺብዎም

ብኻሊእ መዳይ 22 ሰባት ካብ መቐለ፣ ሓደ ሰብ ካብ ኣክሱም ብድምር 23 ሰባት ድሒኖም ካብ ማእኸል መሐከሚ ቫይረስ ኮሮና ናብ ገዝኦም ተፋኒዮም እዮም።

ክሳብ ሎሚ መዓልቲ ኣብ ዘሎ ፀብፃብ፥ ኣብ ክልል ትግራይ ኣብ ልዕሊ 33 ሺሕን 408 ሰባት ምርመራ ቫይረስ ኮሮና ተገይሩ 1 ሺሕን 962 ሰባት ቫይረስ ኮሮና ተረኺብዎም።

ካብዚኦም ድማ እቶም 1 ሺሕን 116 ወገናት ኣብ ማእኸል መሐከሚ እንትርከቡ፥ 37 ኣብ ቀሊል ክትትል ሕክምና፣ 16 ኣብ ፅኑዕ ክትትል ሕክምና 1 ድማ ኣብ ክትትል ከቢድ ፅኑዕ ሕክምና ይርከቡ ከምዝርከቡ ተገሊፁ።

ክሳብ ሕዚ 832 ሰባት ካብ ቫይረስ ኮሮና ዲሒኖም ናብ ገዝኦም ዝተፋነው እንትኾኑ፥ ዛጊድ ብምኽንያት ቫይረስ ኮሮና ናይ 14 ወገናት ሞት ኣጋጢሙ እዩ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana