ኣብ ኢትዮጵያ ብቫይረስኮሮና ዝተተሓዙ ተወሰኽቲ 190 ሰባት እንትርከቡ 5 ሰባት ድማ ህይወቶም ስኢኖም
ኣዲስ ኣበባ፣ 2 ሰነ፣ 2012 (ኤፍ.ቢ.ሲ)ኣብ ኢትዮጵያ ኣብ ዝሓለፉ 24 ሰዓታት ኣብ ልዕሊ 4 ሽሕን 599 ሰባት ብዝተገበረ ምርመራ ላቦራቶሪ ብቫይረስኮሮና ዝተተሓዙ ተወሰኽቲ 190 ሰባት ከምዝተረኸቡ ሚኒስቴር ጥዕና ኣፍሊጡ።
ሓሙሽተ ሰባት ድማ ህይወቶም ከምዝሰኣኑ ተገሊፁ።
በቲ ቫይረስ ምትሓዞም ዝተረጋገፁ ሰባት ኩሎም ኢትዮጵያውያን ከምዝኾኑ ሚኒስትር ጥዕና ዶክተር ሊያ ታደሰ ገሊፀን።
በቲ ቫይረስ ዝተለኸፉ ሰባት ዕድሚኦም ካብ 1 ክሳብ 89 ምዃኖም ዝገለፃ ዶክተር ሊያ፥ ፀታኦም ድማ 135 ደቂ ተባዕቲዮ 55 ድማ ደቂ ኣንስቲዮን ከምዝኾኑ ሓቢረን።
እቲ ቫይረስ ካብ ዝተረኸቦም ሰባት 153 ካብ ኣዲስ ኣበባ፣ 2 ካብ ክልል ትግራይ፣ 16 ካብ ክልል ኦሮሚያ፣ 10 ካብ ክልል ኣምሓራ፣ 3 ካብ ክልል ሶማሌ ከምኡ̕ውን 3 ሰብ ካብ ክልል ሃረሪ 3 ሰብ ድማ ካብ ክልል ደቡብ ከምዝኾኑ እተን ሚኒስትር ኣፍሊጠን።
ብመሰረት እዚ ክሳብ ሐዚ ብዝተገበረ ምርመራ ቁፅሪ እቲ ቫይረስ ዝተረኸቦም ሰባት 2 ሺሕን 336 ከምዝበፅሐ ዶክተር ሊያ ታደሰ ገሊፀን።
ብኻሊእ መዳይ ሓሙሽተ ኢትዮጵያውያን ብምኽኒያት ቫይረስኮሮና ህይወቶም ከምዝሰኣኑ ተገሊፁ።
ብሓፈሻ በቲ ቫይረስ ተለኺፎም ህይወቶም ዝሓለፉ ሰባት ናብ 32 ክብ ክብል ክኢሉ ኣሎ።
ሚኒስቴር ጥዕናን ኢኒስቲትዩት ጥዕና ሕብረተሰብ ኢትዮጵያን ብምኽንያት ሕልፈት ህይወት እተን ኣዶ ዝተሰመዖም ሓዘን ብምግላፅ ንመላእ ቤተሰብ ምፅንዕናዕ ተመኒዮም።
ትማሊ ካብ ኣዲስ ኣበባ 11፣ 5 ክልል ኣምሓራ፣ 2 ድማ ክልል ሶማሌ ብድምር 18 ሰባት ካብቲ ሕማም ዝሓሾም እንትኸውን፥ ኣብ ኢትዮጵያ ክሳብ ሐዚ 379 ሰባት ከምዝሐሾም ተሓቢሩ።
እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!