ኤጀንሲ ቤተ መፃሕፍቲን ቤተ መዛግብቲን ኢትዮጵያ ኣብ ፈሊኻ መፅንሒ ንዝርከቡ ሰባት ዝኾኑ 6 ሽሕ መፃሕፍቲ ለጊሱ

ዋና ዳይሬክተር እቲ ኤጀንሲ ኣይተ ይኩኖኣምላክ መዝገቡ ኢዮም ንሚኒስቴር ዲኤታ ጥዕና ወይዘሮ ሳህረላ አብዱላሂ እቶም መፃሕፍቲ ኣረኪቦምወን።

እቶም ዋና ዳይሬክተር ኣብቲ ስነ-ስርዓት ርኽክብ ከምዝበሉዎ፥ ዜጋታት እቲ ኣፀጋሚ እዋን ብንባብ ንኸሓልፉ እቲ ኤጀንሲ ዝተፈላለዩ ስራሕቲ እናሳለጠ ምዃኑ ብምግላፅ እቲ ናይ ሎሚ መዓልቲ እውን ካፍቶም ሓገዛት ሓደ ኢዩ ኢሎም።

ናብ ፈሊኻ መፅንሒ ዝኣትዉ ሰባት ሓሳቦም ብዝተፈላለዩ ጉዳያት ከይሰሓብን ንወጥሪ ከይቃልዑን ግደ መፃሕፍቲ ዝዓዘዘ ከምዝኾነ ዝገለፁ ኣይተ ይኩኖኣምላክ፥ ኣብ ኣዲስ ኣበባ ንዝርከቡ ፈሊኻ መፅንሒታት ከምዘገልግሉ እውን ኣብሪሆም።

ኣብ ቀፃሊ ንክልላት ተመሳሳሊ ሓገዝ ንምግባር ምንቅስቓስ ከም ዝተጀመረ እቶም ዋና ዳይሬክተር ገሊፆም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana