ዋና ዳይሬክተር ውድብ ጥዕና ዓለም ዶክተር ቴድሮስ አድሓኖም ”ብሪጅ ሜከር ኣዋርድ” ዓለም 2020 ተባሂሎም ዝተዓወቱሉ ሽልማት ሎሚ መዓልቲ ተቐቢሎም

ዶክተር ቴድሮስ ኣድሓኖም ተዓዋቲ እቲ ሽልማት ዝኾኑሉ ቀንዲ ምኽንያት፥ ስግኣት ዓለም ዝኾነ ቫይረስኮሮና ዝኸፍአ ጉድኣት ሓደጋ ንኸየብፅሕ ንዝገበሩዎ ውሕሉል ኣመራርሓ ኢዩ።

ቅድሚ 100 ዓመት ዝተወለዐ ተመሳሳሊ ለበዳ ቫይረስ ልዕሊ 50 ሚሊየን ዜታታት ህይወቶም ከምዘስአኖም ሓበራታታት የመላኽቱ።

ቅድሚ 10 ወርሒ ዝተወለዐን ብቕልጡፍ ናብ መላእ ዓለም ዝተላበደን ቫይረስ ኮሮና እውን ዓቢዪ ስግኣት ፈጢሩ ዝነበረን ዘሎን ይኹን እመበር ዶክተር ቴድሮስ ኣድሓኖም ብዋና ዳይሬክተርነት ዝመርሑዎ ዘለዉ ውድብ ጥዕና ዓለም፤ ዝኸፍአ ሓደጋ ከየብፅሕ ዕዙዝ ግደ እናተፃወተ ብምዃኑ ንዝሃቡዎ ዕዙዝ ኣመራርሓ ተዓዋቲ እቲ ሽልማት ገይሩዎም ኢዩ።

ዶክተር ቴድሮስ ነቲ ሽልማት ኣመልኪቶም ኣብ ማሕበራዊ ሚዲያ ኣብ ዘመሓላለፉዎ መልእኽቲ፥ “ተዓዋቲ እቲ ሽልማት ብምዃነይ ኩርዓት ይስመዐኒ ኢሎም።

“ተላባዲ ሕማም ቫይረስ ኮሮና ንዓለም መሰረታ ነቕኒቑዎ እምበር ኣይሰበሮን” ክብሉ እውን ገሊፆም ኢዮም።

ለበዳ ቫይረስኮሮና ንዓለም ዓቢዪ ቁምነገር ዝሓዘለ ትምህርቲ ሂቡ ከምዝሓልፍ ኣገንዚበም።

እቲ ሽልማት ምልክት ውፅኢት ምሕዝነትን ምትሕብባርን ዘመላኽት ከምዝኾነ እውን እቶም ዋና ዳይሬክተር ገሊፆም ኢዮም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana