ዓለም ለኸ ትካል መድሕን ህፃናት ንከተማ ባህርዳር ብር 42 ሚሊየን ሓገዝ ገይሩ

መካየዲ ስራሕ ትካል መድሕን ህፃናት ምዕራብ ኣምሓራ ሙሉቀን እማኙ፥ እቲ ትካል ኣብ ሽዱሽተ ከተማታት ኢትዮጵያ ማለት እውን ኣዲስ ኣበባ፣ ባህርዳር፣ ሃዋሳ፣ ድሬዳዋ፣ ኣዳማን ጅግጀጋን ንዝርከቡ ዜጋታት ከም ምግቢ፣ ማይን ጥዕናን ዝበሉ ዘፈራት ሓገዝ ከምዝገብር ተዛሪቦም።

ሎሚ መዓልቲ ድማ ኣብ ከተማ ባህርዳር ዝርገሐ ቫይረስ ኮሮና ንምክልኻልን ንምቁፅፃርን ብዝበለፀ ተቓላዕቲ ዝኾኑ ክፋላት ሕብረተሰብ ብር 42 ሚሊየን ሓገዝ ከምዝተገበረሎም ገሊፆም።

በቲ ዝተገበረ ሓገዝ 5 ሸሕን 536 ገባራት ከምኡ እውን 22 ሺሕን 144 ክፋላት ሕብረተሰብ ተረባሕቲ ከምዝኾኑ እቶም መካየደ ስራሕ ኣብሪሆም።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana