ፋብሪካ ዓለባ ኣልመዳ ናይ ገፅ መሸፈኒ (ማስክ) ናብ ዕዳጋ ንምቕራብ ኣፍልጦ ረኺቡ

ፋብሪካ ዓለባ ኣልመዳ ነቲ ማስክ ቅድሚ 10 መዓልቲ ኣቢሉ ኣዳልዪ እኳ እንተነበረ፥ ካብ ዝምልከቶም ኣካላት ሕጋዊ ኣፍልጦ ክሳብ ዝረክብ ግን ናብ ዕዳጋ እንተየውፅኦ ፀኒሑ እዩ።

ካብ ትማሊ ዕለት 15 መጋቢት 2012 ዓ.ም ጀሚሩ ግን እቲ ፍርያት ኣፍሪዩ ብተመጣጣኒ ዋጋ ናብ ዕዳጋ ከቕርብ ኣፍልጦ ብምርካቡ ብበዝሒ ከቕርብ ምዃኑ ተገሊፁ።

እቲ ፍርያት ህዝቢ ብቐሊሉ ክረኽበሉ ናብ ዝኽእለሎም ቦታታት ከም ሆስፒታላት፣ ፋርማሲታትን ካልኦትን ዝበሉ ቦታታት ዝለኣኽ ኮይኑ፥ እቲ ትካል ባዕሉ እውን ናብ ታሕቲ ወሪዱ ብፍትሓዊ ዋጋ ከምዘከፋፍል ተሓቢሩ እዩ።

ኣብ ቤት ህንፀታት ትግራይ ንዝረክቡ ዜጋታት፥ ፋብሪካ ዓለባ ኣልመዳ ባዕሉ ማስክ ብናፃ ከምዘከፋፍልን ዓቕሚ ንዘይብሎም ክፋላት ሕብረተሰብ ድማ ብትእምት ኣቢሉ ማስክን ካልኦት መከላኸሊ ናውትን ከከፋፍል ኢዩ ተባሂሉ።

ፍልፍል:- ጋዜጣ ወይን