ፖሊስ ፌዴራል ብመሰረት ሕገ-መንግስቲ ዝተውሃቦ ሓላፍነት ብግቡእ ይዋፃእ ኣሎ ተባሂሉ
ኣዲስ ኣበባ፣ 30 ሚያዝያ፣ 2015 (ኤፍ ቢ ሲ)ፖሊስ ፌዴራል ብመሰረት ሕገ-መንግስቲ ዝተውሃቦ ሓላፍነት ብግቡእ እናተዋፅአ ምዃኑ ላዕለዎት ኣመራርሓ እቲ ትካል ገሊፆም።
ላዕለዎት ኣመራርሓ ፖሊስ ፌዴራል ኢትዮጵያ ኣብ እዋናዊ ሃገራዊ ጉዳያ ፀፅታ ኣድሂቦም ተዛቲዮም፡፡
ኣብቲ መድረኽ ዘተ÷ እቲ ትካል ብመሰረት ሕገ-መንግስቲ ዝተውሃቦ ሓላፍነት ብግቡእ እናተዋፅአ ምዃኑ እቶም ላዕለዎት ኣመራርሓ ገምጊሞም።
ምስ እዋናዊ ሃገራዊ ጉዳያ ፀፅታ ዝተትሓሓዙ ብዙሓት ዛዕባታት ተላዒሎም ሰፊሕ ልዝብ ከምዝተገበረሎም ካብ ፖሊስ ፌዴራል ዝረኸብናዮ ሓሬታ የረድእ፡፡
ኮሚሽነር ጀነራል ፖሊስ ፌዴራል ኢትዮጵያ ደመላሽ ገ/ሚካኤልን ካልኦት ላዕለዎት ኣመራርሓን እቲ ትካል÷ ካብ ተሳተፍቲ እቲ መድረኽ ንዝተልዓሉ ሕቶታት መብርሂን ምላሽን ሂቦም።
እቶም ላዕለዎት ኣመራርሓ÷ ኣብ ኩሎም ከባቢታ ኢትዮጵያ ሰላምን ድሕንነትን ንምኽባር እናተሳለጡ ዝርከቡ ተግባራት ብዝበለፀ ኣጠናኺሮም ከምዝቕፅሉ ኣብቲ መድረኽ ዘተ ኣልዒሎም።
እዋናዊ ሓበሬታ ንምርካብ፦
ቴሌግራም ገፅና https://t.e/tigrignafana
ድረ ገፅና https://www.fanabc.com/tigrigna/
ትዊተር ገፅና https://twitter.com/fanatelevision
ዩቲዩብ ቻናል FBC Tigrigna https://www.youtube