ኣብ ኣዲስ ኣበባ ኣብ ሽዱሽተ ኣዋርሕ ንልዕሊ 284 ሺሕ ዜጋታ ዕድል ስራሕ ከምዝተፈጠረ ተገሊፁ

ዳይሬክተር ምውፋርን ምስፍሕፋሕን ስራሕ እቲ ቢሮ ሰብሓዲን ሱልጣን ንፋና ብሮድካስቲንግ ኮርፖሬት ከምዝገለፁዎ÷ ኣብ ከተማ ኣዲስ ኣበባ ዝረአ ፀገም በዝሒ ስእነት ስራሕ ንምፍታሕ ብዕቱብ እናተሰርሐ ይርከብ፡፡

ብፍላ መናእሰይ ስራሕ ካብ ምፅባይ ፈጠርቲ ስራሕ ንኽኾኑ ኣድላዪ ስራሕቲ ስልጠና ክእለትን ምብቃዕን እናተሳለጠ ከምዝኾነ ገሊፆም፡፡

እቲ ቢሮ ኣብ ዝሓለፉ 6 ኣዋርሕ 375 ሺሕን 515 ደለይቲ ስራሕ ዜጋታ ኣብ ሓደ ማእኸል ብምምዝጋብ 438 ሺሕን 590 መማረፂ ዕድል ስራሕ ከምዝተፈለየ ሓቢሮም።

ብመሰረት እዚ ኣብ ኣዲስ ኣበባ ኣብ ሽዱሽተ ኣዋርሕ ን284 ሺሕን 998 ዜጋታ ቀዋሚን ግዚያዊን ዕድል ስራሕ ምፍጣር ከምዝተኸኣለ እቲም ዳይሬክተሩ ኣብሪሆም፡፡

ዕድል ዝተፈጠረሎም ዓውዲታት÷ ዘፈር ምፍራይ፣ ህንፀት፣ ንግዲ፣ ሕርሻ ከተማን ኣገልግሎትን ከምዝኾኑ እውን ተዛሪቦም።

ብመላኩ ገድፍ