ንሕማም ቫይረስ ኮሮና እንተተቓሊዕና ከጋጥሙና ዝኽእሉ ልቢ ዘይበልናዮም ፀገማት ጥዕና

 ኣየር ክንመልእ ብሓይሊ ንዉሽጢ ንስሕብ ንሙክር እሞ ምትንፋስ ግን ይኣብየና፣ ሽዑ ንስንብድን ንፈርሕን፤

 ኣብ እንስዕለሉ እዋን ኣእዳዉና፣ ሑቐና፣ ፅፍሪ ኢድናን እግርናን ከቢድ ቃንዛ ይስመዓና፣ ብሓይሊ ስለ እንስዕል ርእስና እዉን ክስሕት ንኽእል፤

 ሰዓልን ረስንን ጥራሕ ዘይኮነስ ምስትንፋስ እዉን ኣዝዩ ስለዝከብደና ኦክስጅን ይወሃበና፣ እዙይ ከዓ ልክዕ ሓዊ ከምዝተሰደደልና ኣፍንጫና የቃፅለና፤

 ሐዚ እዉን እንተዘይኪእልና ሓኪም ይመፅእሞ 2 ፍርቂ ሜትሮ ንዉሓቶም ቱቦታት ብጎሮሮና ኣቢሉ ናብ ሳምባና ይሰደልና።

 እዚ ኹነታት ከቢድን መሰልቸዉን ብምኻኑ ምግቢ ክንበልዕ ወይ ክንሰቲ ኣይንኽእልን፤

 ኣብዚ ኣዝዩ ከቢድ ቃንዛ እናሃለና ኣዴና፣ ኣቦና፣ ደቅና፣ ሓዉና፣ ሓፍትና፣ ሰበይትና ወይ ድማ ሰብኣይና ወይ ኣዕርኽትና ንናፍቆም ክርይእዩና ንደሊ ግን ዋላ ሓደ ክንረክብ ኣይፍቀደልናን፤

 ምኽንያቱ በቲ ክቐትለና ዝሸባሸብ ዘሎ ክፉእ ሕማም ንከይልከሙ።

 እምበኣር ኣብ ከምዚ ዓይነት ከቢድ ኩነታት ጥዕና በይንና እንትንኸዉን ኣዚና ንፈርሕ ንጭነቅን።

 ንሕና እንፈትዎም ሰባት እናዘከርና ብነብስና ከድሕኑ ዝረባረቡ ሓካይም ተኸቢብና ካብ ሞት ንምምላጥ ንበይንና ፋሕጠርጠር ንብል።

 ነዙይ እዩ ድማ ማስክ ንጠቐም፣ ኣብ ገዛ ንፅናሕ፣ ኣእዳዉና በብእዋኑ ብማይን ሳሙናን ንተሓፀብ፣ ሳኒታየዘር ክንጥቀም ዝግበአና።

 ኩሎም መከላኸሊ ሜላታት ቫይረስ ኮሮና ብምትግባር ዓርስናን እንፈትዎም ሰባትን ካብ ስቓይ ኮሮናን ሞትን ንከላኸል!

ምልክታት ቫይረስ ኮሮና እንትስመዐና ናብ 6244 ንደውል።

ፍልፍል፦ ቢሮ ሓለዋ ጥዕና ክልል ትግራይ