ኣብ ዞባ ምዕራብ ሸዋ ብዝበፅሐ ሓደጋ ትራፊክ ህይወት 17 ሰባት ሓሊፉ

በቲ ሓደጋ ህይወቶም ካብ ዝሓለፉ 17 ሰባት ብተወሳኺ፥ ኣብ ልዕሊ 13 ሰባት ከቢድን ቀሊልን ጉድኣት ኣካል ከምዘጋጠመ እውን ተገሊፁ።

ካብ ውሽጢ እዚኣቶም ድማ እቶም ትሽዓተ ሰባት ከቢድ ጉድኣት ኣካል ዘጋጠሞም እንትኸውን፥ ኣርባዕተ ሰባት ድማ ቀሊል ጉድኣት ከምዝበፅሖም ምክትል ኣተሓባባሪ ድሕንነት ትራፊክ ኢንስፔክተር አዲሱ ኮሬ ተዛሪቦም።

ጉድኣት ዝበፅሖም ሰባት ድማ ናብ ሆስፒታላት ኣምቦን ጌዶን ተወሲዶም ክትትል ሕክምና እናተገበረሎም ምዃኑ ገሊፆም።

እቲ ሓደጋ ትራፊክ፥ ህዝቢ ተመላልስ ኣውቶብስ ካብ ከተማ ባለሚ ተሳፈርቲ ሒዛ ካብ መናሃሪያ እናወፅአት እናሃለወት ካብ ከተማ ጌዶ ምስ ዝመፅአት ሲኖትራክ ምብምልጋዓ ዘጋጠመ ኢዩ ተባሂሉ።

እዋናዊን ሓዱሽን ሓበሬታ ንምርካብ ናይ ቴሌግራም ገፅና ሰብስክራይብ ይግበሩ/ራ!
https://t.me/tigrignafana