ተጋዳሊት ነፃነት ኣስፋው ካብዚ ዓለም ብሞት ተፈሊያ

ድሕሪ ውድቀት ደርጊ ድማ ሚኒስትር ዲኤታ ሚኒስቴር ሓበሬታ ፌዴሪኢ፣ ዳይሬክተር ዓውዲ ሰላምን ፀፅታን ኢጋድን፣ ሓጋዚት ተፀዋዒት መንግስቲ ባይቶ ወከልቲ ህዝቢ ብምዃን ከምዘገልገለት ይፍለጥ።

ተጋዳሊት ነፃነት ኣስፋው ክሳብ ዕለተ ሕልፈታ ንህዝብን ሃገርን ኣብ ዝተውሃባ ሓላፍነት እናገልገለት ዝፀንሐት እንትትከውን፥ ብዝሓደራ ሕማም ሕክምናዊ ሓገዝ ክግበረላ ድሕሪ ምፅናሕ ሎሚ 30 ለካቲት 2012 ዓ/ም ካብዚ ዓለም ብሞት ተፈልያ ኣላ።

ብሄራዊ ክልላዊ መንግስቲ ትግራይ፥ ብዘጋጠማ ሕማም ብመስዋእቲ ንዝተፈለየት ተጋዳሊት ነፃነት ኣስፋው ዝተሰመዖ መሪር ሓዘን ብሽም መንግስቲን ህዝቢ ትግራይን ገሊፁ።

ስነ-ስርዓት ቀብሪ ስውእቲ ተጋዳሊት ነፃነት ኣስፋው ኣብ መቐለ መቓብር ሓርበኛታት ከምዝፍፀም ስዝገለፀ ቢሮ ርክብ ህዝብን መንግስትን ክልል ትግራይ፥ ስነ-ስርዓት ቀብሪ ዝፍፀመሉ መዓልትን ሰዓትን ብሚዲያታት ከም ዝግለፅ ሓቢሩ።

ፋና ብሮድካስቲንግ ኮርፖሬት ዝተሰመዖ ሓዘን እናገለፀ ንመላእ ስድራ ቤታን ፈተውታን ፅንዓት ይምነ።